Non aparece unha depuradora contratada en Ponteareas:::

O xornal EL PAÍS publica hoxe unha noticia relativa a unha depuradora da Deputación que anda perdida...
sóavos de algo esa noticia? buscádea no Zarabeto, buscádea...

"A Deputación de Pontevedra contratou en xaneiro de 2008 as obras de instalación de dous minidepuradoras nas parroquias de Bugarín e Prado, en Ponteareas, pero a primeira non chegou nunca a funcionar e a segunda non existe, segundo comprobaron o deputado provincial Gabriel Martínez e Xosé Represas, voceiro do BNG no Concello. O proxecto requiriu un investimento de 500.000 euros, financiada nun 83% con fondos europeos e o 17% restante pola Deputación.
Fontes da Deputación anticiparon onte que a noticia é "falsa", pero aprazaron "ao momento oportuno" calquera explicación do evidente: que unha instalación non entrou nunca en funcionamento e que a outra nin sequera está. Na empresa subministradora, Solucións Medioambientais e Augas (SMA), responderon que se instalara só unha das minidepuradoras, na Freixa Freixa-Bugarín, sen achegar ningún outro dato. A empresa cifraba en 150.000 euros, fai dous anos, o custo medio de adquisición desas instalacións, idóneas para poboacións menores de 2000 habitantes que poderían aforrarse, segundo as súas estimacións, de 140.000 a 170.000 euros anuais fronte aos custos dos depuradores comúns.
A Deputación de Pontevedra liderou o proxecto europeo que propiciou a contratación dentro do programa "depuración transfronteiriza" para núcleos da zona hidrográfica do Miño e afluentes, como é o caso do río Tea en Ponteareas. O programa, orzado en 8,1 millóns de euros para instalar 33 minidepuradoras, contou cunha subvención de 6,1 millóns dos fondos Feder. O Concello de Ponteareas anunciou en xaneiro de 2008 o inicio das obras, pero agora nega ao BNG a documentación sobre elas.