Hoxe, martes 10 de outubro vén de celebrarse ás portas do IES A Sangriña un acto de protesta en relación aos graves recortes que está a sufrir o Ensino Público. Membros da Comunidade Educativa, en especial alumnado e profesorado, pararon durante o “recreo” a súa actividade habitual para despregar unha pancarta na que se podía ler “Pola Calidade do Ensino Público”. Tamén fixeron a lectura dun manifesto onde se recolleron sete aspectos que resumen como o centro está a sufrir esta situación. Desde o centro considérase especialmente grave o recorte no cadro de persoal, o que motiva que unha única persoa teña que realizar a garda dun centro tan grande, co prexuízo que isto supón para o alumnado que queda mal atendido no caso de ausencia dalgún profesor. Outro aspecto a salientar é que se obrigue ao profesorado a impartir varias “materias afíns” das que non é especialista co consecuente empobrecemento da calidade das clases. Denuncian a “masificación” das aulas e o feito de que varios profesores aínda non foran enviados ao instituto cando se vai cumprir un mes do inicio das clases.
Esta actividade enmárcase dentro doutras que a nivel comarcal están a desenvolver os IES e Escolas para denunciar esta situación que lle afecta especialmente ao estudantado; o vindeiro martes 18 teñen previsto facer unha concentración conxunta ás portas do Concello da Guarda todos os centros de Oia, O Rosal e A Guarda, desta volta x
Sem comentários:
Enviar um comentário
Se liches esta noticia, ao mellor tes algo que contar... escríbeo: