Polo DOURO arriba ata PESO DA RÉGUA:::

A cidade do PORTO leva a sona dos seus viños, pero estes residen en VILANOVA DE GAIA, e son traídos do ALTO DOURO, unha rexión onde as montañas, nos últimos séculos foron cambiando a súa fisonomía para devir en altos montes coroados de viñedo, ao estilo da Ribeira Sacra. Ata alí teñen chegado moitos galegos en épocas de fame para traballar na recollida da uva. Grandes fortuñas teñen amasado algunhas familias da zona, coma a CASA FERREIRA a quen rende homenaxe o MUSEU DO DOURO. Os barcos RABELOS saían de PESO DA RÉGUA cargadiños de viño para GAIA río abaixo, tardaban tres días, fronte aos tres meses que lles levaba subir do PORTO á REGUA, apoiándose nunhas velas cativas e de cordas coas que tiraban polos barcos desde terra. Centos de cruces e de capelas coroan as ribeiras de Douro para dar auxilio aos voraces traballadores. Hoxe son crueiros de turistas que van e veñen da cidade tripeira ao ALTO DOURO, co obstáculo dos encoros (barragens)para o cal se crearon ascensores acuáticos que impresionan aos visitantes.
PESO DA RÉGUA ten as CALDAS DE MOLEDO para botarse a remollo, pero en RESENDE, vila do distrito de VISEU, están as CALDAS DE AREGOS, estupendas para relaxarse logo da práctica deportiva.